 |
| |
 |
|
Royalty Free
Picture: Pixabay License |
|
| |
| De windj dae raos doer miene haof |
| De tek van de sjtruuk wappere op en neer |
| De blaajer valle noe al mit dit weer |
| Half september, det is vreug dit jaor |
| |
| De windj blees de raenge taege de roete |
| Gelökkig hove vier noe neet nao boete |
| Het is eine gemeine kawwe windj |
| Kiek der neet in, want dan weerse blindj |
| |
| De buim die waere noe kaal gewejt |
| De mais geit zich noe ligke op het veldj |
| Het gruit det wejt noe van de buim |
| De vissers blieve noe in het ruim |
| |
| De miense kinne noe boete nieks doon |
| Erte die ligke noe sjeif en ouch die boon |
| Blief thoes en maak de sjtoof mer aan |
| Rös mer oet, morge is de windj vanne baan |
| |
