 |
| |
| Es men vreuger eine fietsj haw, dae zoot good |
| De meiste luuj hawwe lever ein sjtök brood |
| Want eine fietsj det woor ein weelde |
| Die hawwe allein de riek bedeelde |
| |
| Ein fietsj-plaetsje det mósj men doe höbbe |
| Vuur de erm luuj woor det nag te duur |
| En daoróm linde men det biej de buur |
| De meiste hawwe det döbbeltje neet oppe röbbe |
| |
| Mósj men det vuur de hanjel koupe |
| Dan zag men: laot mer, ich gaon waal loupe |
| Det woor vuur de erm men gein plezeer |
| Es men zoog det fietsjeplaetsje van dae heer |
| |
| Wat woor det vreuger toch eine erme tied |
| Noe fietsj men zónger plaetsje heel erg wied |
| Zo waerde de erm miensje óngerdrök |
| Kiek mer oet want dae tied kump al bienao trök |
| |
