 |
| |
| Ich höb mien laeve leef, nag jiddere daag |
| Ouch al bön ich aaf en toe get van sjlaag |
| Ich höb alles leef, mien landj en mien kinjer |
| Zolang es het mich mer neet hinjert |
| |
| Ich laef wie mien moder mich det gelierd haet |
| 's Morges opsjtaon en 's aoves nao bèd gaon |
| En es het geit oppertied ins droet gaon |
| Misjien 's aoves get van dae rozekrans gebaed |
| |
| Mer det is verleje tied, kin de krelkes neet ómdrejje |
| En ich laot mich zeker doer nemes opnejje |
| Doon neet aan sjport, maak waal gaer ein gedich |
| Euver mich zelf, of euver ein klein wich |
| |
| Zo, noe wit gier wie ich in-ein zit |
| Höb gein eige tenj mer waal ein kunsgebit |
| Dao knawwel ich alles heel fien mit |
| En 's morges laes ich ouch nag de ganse gezèt |
| |
