 |
| |
| Mien modertaal det is het ech Posters plat |
| Det höbbe vier vreuger oppe sjool noots gehad |
| Ich hawt van die taal wo ich bön gebaore |
| Dao höb ich ouch ummer mien hert aan verlaore |
| |
| In det sjträötsje wo mien weegske sjtóng |
| Dao höb ich liere kroepe en loupe op mien bein |
| Mam die lierde mich de wäördsjes ein vuur ein |
| Det woor vuur mich het ierste wie het begón |
| |
| Kwaoj wäörd kreeg ich van mam noots te huure |
| Vuur te sjpeele hawwe vier neet väöl |
| Boete mer get loupe van päöl nao päöl |
| Binne get sjpelle of mer plaetsjes kluure |
| |
| 's Zomers gaon zeumere in het veldj van het kaore |
| Zo höb ich mien jeug toch sjoon doer gebrach |
| En op dae Dónck, dao höbbe ze mich groot gebrach |
| En det Posters plat höb ich noots aafgezjwaore |
| |
