 |
| |
| Ich doon zake, höb ein grote sjrieftaofel |
| Zake die in het boetelandj betrèkking höbbe |
| Op het Pruusjes höb ich ein kantoer in Zaofele |
| Ich wèrk wier wie vreuger, wie van der Lubbe |
| |
| Op en aaf gaon ich noe, mien kantoer ins bekieke |
| Of dae beheerder zich dao leet blieke |
| Want det is eine vertegewoordiger van mich |
| En dem hawt ich toch lever allein in zich |
| |
| De zake gaon prima, höbbe väöl werk |
| En mit wèrke sjteise altied sjterk |
| De opdrachte vleege heel flót binne |
| Daoróm mót ich heel sjnel draan beginne |
| |
| Geer zalt waal vraoge: welk werk is det ? |
| Ich dörf det neet good te zegke |
| Pötjes sjöppe doer heel de sjtad |
| Dao vinje vier dök waal aligke wègke |
| |
